Month: June 2018

කැලමයින් භාවිතා කිරීමෙන් ඔබේ සමට ඇති වාසි 8ක්

This article is also available in

[wpml_language_selector_widget]

Calamine වලට, වසර1500 තරම් දිගු ඉතිහාසයක් ඇති බව ඔබ දන්නවාද? චීනය සහ ඉන්දියාව ආශ්‍රිතව සිටි පුරාණ ශිෂ්ටාචාර, සමේරෝග සුව කිරීම සහ සම සුන්දර කිරීමට zinc පදනම් කරගත් ආලේප භාවිතා කල බවට සාක්ෂි පවා හමුවෙනවා. කැලමයින් යනු, zinc පදනම් කරගත්, ලෝක සෞඛ්‍ය සංවිධානය මගින් අත්‍යාවශ්‍ය බෙහෙතක් ලෙස නම් කරන ලද ආලේපනයක්.

කැලමයින් භාවිතය මගින් ලබාගත හැකි ප්‍රයෝජන බොහොමයි. සමේ සෞඛ්‍යය වෙනුවෙන් මෙන්ම සමේසුන්දරත්වය වැඩි කිරීමටද කැලමයින් වලට හැකියාව තිබෙනවා. Zinc oxide සහ zinc carbonate වල සංයුතියක්වන කැලමයින්, 18 වැනි ශතවර්ෂයේ සිටම රූපාලන්කාරකයක් වශයෙන් භාවිතා කර ඇති අතර විවිධාකාර වූ සමේරෝග වලටද, ප්‍රතිකර්මයක් ලෙස භාවිතා කර තිබෙනවා. එදා සිට අද වනතුරු, කැලමයින් වෙත ඇති විශ්වාසය, තවමත් නොවෙනස්ව පවතිනවා.

කැලමයින් භාවිතයෙන් සමට ඇති වාසි බොහොමයකි:

1. වියලි සමේ තෙතමනය සුරකින අතර, තෙල් සහිත සමේ තෙල් ගතිය පාලනය කරයි

සමේ තෙල් ගතිය වගේම වියලි ගතියත් පාලනය කල හැකි ආලේපනයක් පිලිබඳ ඔබ අසා තිබේද? එවැනි විශ්මයජනක හැකියාවක් ඇති ආලේපනයක් තමයි කැලමයින්! බොහෝ ශ්‍රී ලාංකිකයින්ට මිශ්‍ර සමක් ඇතිනිසා, කැලමයින් මගින් බොහෝ සම ආශ්‍රිතව ඇතිවන ප්‍රශ්න වලට විසදුමක් ලබා දෙනවා.

2. කුරුලෑ වලින් ඔබේ සම ආරක්ෂා කරයි

අප බොහෝ දෙනා කුරුලෑ සහ ලප කැළැල් නිසා ජීවිතයේ එක් වතාවක් හරි පීඩාවට පත්වෙලා තිබෙනවා. Zinc වල ඇති කුරුලෑ වියළීමේ හැකියාව නිසා එය කුරුලෑ වලට ඉතා හොඳ විසඳුමක් වන අතරම, කුරුලෑ පාලනය කරමින්ඔබගේ සම ඉතාමත් ඉක්මනින් සුන්දර සුමුදු සමක් බවට පත් කරනවා.

3. ළප කැළැල් වලින් තොර පැහැදිලි සමක් ලබා දෙයි

කැලමයින් වල ඇති සම සුවපත් කිරීමේ හැකියාව නිසා ඔබගේ සමේ ඇති ළප කැළැල් නැති කර, ඔබට පැහැදිලිසමක් ලබා දීමට කැලමයින් වලට පුළුවන්!

4. හිරු එළියෙන් ඔබව රැකගනියි

හිරු එලිය නිසා ඔබේ සමට විවිධාකාර ප්‍රශ්න රාශියකට මුහුණ දීමට සිදුවෙනවා. අව්වට පිළිස්සීම, වියළීම මෙන්මසමේ පිළිකා වලටද හිරු එලිය හේතු වෙනවා. අහිතකර හිරු කිරණ වලින් ඔබේ සම ආරක්ෂා කරමින්, ඔබගේ සම ඇතුලතින් පෝෂණය කිරීමේ හැකියාව කැලමයින් සතුව පවතී!

5. රාත්‍රී ආලේපකයක් වශයෙන්ද සුදුසුයි

සුන්දර සුසිනිදු සමක් සමග අවදිවෙන්න, රාත්‍රී ආලේපකයක් වශයෙන් කැළමයින් භාවිතා කරන්න. එහි ඇතිපෝෂකයන්, රාත්‍රිය පුරා ඔබේ සම සුවපත් කර, ඔබට නිරෝගී සුන්දර සමක් ලබා දෙනවා.

6. සම පැහැපත් කරයි

දිනපතා භාවිතයෙන් ඔබට සුන්දර පැහැපත් සමක් ලබාදීමට කැලමයින් වලට හැකියාව තිබෙනවා. මෙහි අඩංගු වීඇති Kaolin, ස්වභාවිකව සම පැහැපත් කරමින්, ඔබට නිකැළැල් සහ දිදුලන සමක් ලබා දෙන්න උපකාරී වෙනවා.

7. සම වයසට යාම වළක්වයි

කැලමයින්, ඔබගේ සමේ රැළි වැටීම අඩු කර, ඔබට සුන්දර සහ තරුණ සමක් ලබා දෙනවා. වෙළඳපොලේ ඇතිරසායන ද්‍රව්‍ය වලින් පිරි, මිල අධික, සම වයසට යාම වළක්වන ක්‍රීම් වර්ග සමග සසදා බලන විට, කැලමයින් යනු ඉතා ආරක්ෂාකාරී ආලේපනයක්.

8. අනවශ්‍ය රෝම ඉවත් කිරීමට wax හෝ shave කිරීම නිසා ඔබගේ සැමට ඇතිවන හානි වලින් ඔබව ආරක්ෂාකරයි

ඔබ wax හෝ shave කරන අයෙක්නම්, එම ප්‍රදේශ නිතරම වියළීමේ ප්‍රශ්නයට ඔබත් මුහුණ දෙනවා ඇති. මෙයවලක්වාගැනීමට wax හෝ shave කිරීමෙන් පසුව නොවරදවා කැලමයින් lotion එක එම ප්‍රදේශ වල ආලේප කරන්න.ඉතා සුමුදු ලෙස shave කිරීමට, shaving cream හෝ සබන් වෙනුවට කැලමයින් lotion භාවිතා කර shave කරන්නත් පුළුවන්.

කැලමයින් කියන්නේ ඔබගේ සමේ තෙතමනය රැකගනිමින්, ඔබගේ සම පැහැපත් කරමින්, ඔබව හිරු කිරණින්ආරක්ෂා කල හැකි ආලේපකයක් බව අමතක කරන්න එපා!

ඔබත් Lacto කැලමයින් භාවිතා කරනවාද?

Share

මොකක් ද මේ හිරු මුදුන් වෙනවා කියන්නේ?

පෘතුවිය සුර්යා වටා පරිභ්‍රමණය වන්නේ අංශක 23.5 ක ආනතියක් ඇතිවයි. ඒ නිසා පෘතුවියේ අක්ෂයට අංශක 23.5 ක් උතුරින් සහ අංශක 23.5 ක් දකුණින් පවතින නිවර්තන රේඛා අතර මැද පිහිටි රටවල් හිරුට ආසන්නයේම අවුරුද්ද පුරාවටම පිහිටා තිබෙනවා. පෘථිවියේ ගමන් මග වෙනස් වන ආකාරයට අවුරුද්දට දෙවතාවක් මෙම රටවල් හිරුට ඉතාමත් ආසන්න වෙනවා. අන්න එතකොට තමයි හිරු මුදුන් වීමේ අවස්ථාව උදා වෙන්නේ.

අපේ ශ්‍රී ලංකාවත් මෙම කලාපයේ සමකයට ආසන්නව පවතින නිසා අපිට හිරු මුදුන් වීම මාර්තු/අප්‍රේල් මාස අතරතුර සහ අගෝස්තු/සැප්තැම්බර් අතරතුර සිදු වෙනවා. අන්න ඒ නිසා තමයි අපිට මේ දවස්වල දැඩි රස්නයක් දැනෙන්නේ. නමුත් මෙහි විශාලම බලපෑම වන්නේ ඔබේ සමටයි. ඒ අහිතකර කිරණ වල බලපෑමද ඒ සමගම වැඩිවන නිසා. අහිතකර කිරණ වලින් ඔබ ආරක්ෂා නොවුනොත් සම රැලි වැටීම, සම වියපත් වීම පමණක් නොවෙයි මෙලනෝමා වැනි සමේ පිළිකා තත්ත්ව ඇතිවීමට පවා පුළුවන්.

හිරු මුදුන් වීම සොබාදමේ අපුරු සංසිද්ධියක් වුනත් ඉන් ආරක්ෂා වීමට අමතක නොකරමු.

Share

SPF ඔබේ සමට කෙසේ බලපාන්නේ දැයි විද්‍යාත්මකව දැන ගනිමු

This article is also available in

[wpml_language_selector_widget]

හිරු උදාවත් සමඟ පිබිදී ඒ සමඟම දෛනික වැඩ කටයුතු ආරම්භ කරමින්, මෙකී හිරු අවරට යෑමේදී දෛනික කටයුතු අවසන් කිරීමට පුරුදු වී සිටින අපට හිරුගෙන් තොර ලොවක් නොමැති තරම්ය. මෙකී හිරුගෙන් පතිත වන එළියෙන් අපට ලැඛෙන වාසි සහ අවාසි පිළිබඳව නිසි දැනුමක් ලබා සිටීම මේ නිසා අපට ඉතාමත් වැදගත්ය. අපේ සමට හිරු එළියෙන් වන හිතකර සහ අහිතකර බලපෑම පිළිබඳව නිසි පරිදි දැනුවතවීමෙන් අපේ සමට විය හැකි අහිතකර බලපෑමෙන් ඉවත්වී ජීවත්වීමට අප සියලූ දෙනාටම හැකි වනු ඇත. තවමත් අප හිරු එළියේ අහිතකර බලපෑම පිළිබඳව විද්‍යාත්මක දැනුමක් ලබා නොමැති වූවද ඒ පිළිබඳව යම් හෝ දැනුමක් ලබා සිටී. එසේ වූවද හිරු එළියෙන් අපේ සමට වන හානිය වළක්වා ගැනීම සඳහා හිරු ආවරණ ආලේපනයක් (Sun Lotion) සමට ආලේප කිරීමට පුරුදු නොවීම එක්තරා අන්දමක පුදුමයක් ලෙසත් සැලකිය හැකිය. අපගෙන් බහුතරයකට හිරු එළියෙන් අපේ සමේ ඇති වන ක්ෂණික පිළිස්සීම් පිළිබඳව හැඟීමක් නොමැතිය. එමෙන්ම හිරු ආවරණ ආලේපනයක් සමට ආලේප කරමින් වැඩි ආරක්ෂාවක් ලබා ගැනීම පිළිබඳව ද ඒ හැටි අවශ්‍යතාවක් ද නොමැතිය.

අපගෙන් ඇතැමුන්ගේ සමේ හිරු එළියෙන් සමේ ඇති වන ක්ෂනික පිළිස්සුම් ක්ෂණිකවම දැක ගත හැකි වේ. එපමණක් නොව ඔවුන්ගේ සමේ පැහැය ක්ෂණිකවම අඩුවීමක් ද දැක ගත හැකි වේ. නමුත් යම් අයකු මේ පිළිබඳව දිගින් දිගටම නොසළකා හැරීමෙන් සිදු වන්නේ පසු කාලීනව හෝ ඔවුන් මොලනොමා (Melanoma) සහ වයසට වඩා සම වියපත්වීම හෙවත් ෆ්‍රී මැචුවර් ඒජීන් (Premature aging) තත්ත්වය සහ එම තත්ත්වයන්ගෙන් මිදීම සඳහා ඔවුන්ගේ ජීවිතයේ වැඩි කාලයක් වැය කරයි. මෙය සැබවින්ම ඉතාම කණගාටුදායක කාරණයකි.

  • ඇති වන බලපෑම පිළිබඳව ඔබ දන්නවාද?

අද වනවිට වෙළෙඳ පොළේ ඕනෑතරම් හිරු ආවරණ ආලේපන (Sun lotion) අපට මිළට ගැනීමට තිබේ. නමුත් ඔබ පළමුවෙන්ම සොයා බැලිය යුත්තේ ඔබේ සමේ වර්ගයට වඩාත් ගැළපෙන මෙන්ම හිතකර හිරු ආවරණ ආලේපන අගය ඇති (SPF) හිරු ආවරණ ආලේපනය (Sun lotion) කුමක් ද යන්නයි. ඒ අනුව ඔබේ සමට වඩාත් සුදුසු වන හිරු ආවරණ ආලේපනය (Sun lotion)
ඔබ තෝරා ගත යුතුව ඇත.

හිරු එළියේ තිඛෙන අල්ට්‍රාවයලට් කිරණ හෝ පාරජම්බුල කිරණවලට ඔබේ සම වැඩි වැඩියෙන් නිරාවරණයවීමෙන් සමේ පිළිස්සීම ඇති වන අතර එය තව තවත් දරුණු වූවිට සම මතුපිට තඩිස්සිවීම් සහ කුඩා බිබිළි මතුවීමක් ද ඇති විය හැකිය. මෙම තත්ත්වයන් මුලින් ඉතා සෙමෙන් සෙමෙන් පටන් ගෙන ක්‍රම ක්‍රමයෙන් වඩාත් වේදනාකාරී තත්ත්වයන් දක්වා වර්ධනය විය හැකිය.

ඔබ විසින්ම හිරු එළියේ තිඛෙන අහිතකර කිරණවලින් ආරක්ෂාවීම යනුවෙන් අප අදහස් කරන්නේ ඔබ සම්පූර්ණයෙන්ම හිරු එළියෙන් ඉවත්වී ජීවත්වීම නොවේ. නිරෝගීමත් ජීවිතයක් ගත කිරීම සඳහා හිරු එළියෙන් අපට ස්වාභාවිකවම ලැඛෙන විටමින් “ඩී” (Vitamin D) සංඝටකය පිළිබඳව අපට සුළුවෙන් තැකිය නොහැකි අතර එය අපේ ශරීරයට අත්‍යාවශ්‍ය විටමිනයක් වනු ඇත. නමුත් එසේ වූවද අප හිරු එළියට නිරාවරණය විය යුත්තේ අනාගතයේ අපේ සමෙහි ඇති විය හැකි අවදානම් තත්ත්වයන්ගෙන් සමේ ආරක්ෂාව හොඳින්ම සළසා ගැනීමෙන් පමණක්ම වන බව මතක තබා ගන්න.

  • මිළට ගත යුත්තේ කුමක්දැයි ඔබ දන්නවාද?

ඔබේ සමේ වර්ගය අනුව ඒ මත නිසි පරිදි ක්‍රියාත්මක වන සංඝටක ඇතුළත් සහ වඩාත් ගැළපෙන SPF අගයක් හෝ හිරු ආවරණ ආලේපන අගයක් (Sunburn Protection Factor) සහිත හිරු ආවරණ ආලේපනයක් (Sun lotion) තෝරා ගැනීම ඉතාම වැදගත් වේ.

එසේ කිරීමෙන් හිරු ආවරණ ආලේපනයේ තිඛෙන SPF අගය මඟින් හිරු එළියේ තිඛෙන අල්ට්‍රා වයලට් “බී” කිරණ හෝ UAB කිරණ මඟින් සමට වන හානිය අවහිර කරනු ඇත.

සමට වඩාත් හිතකර SPF අගයක් සහිත හිරු ආවරණ ආලේපනයක් භාවිතය මඟින් හිරු එළියේ අන්තර්ගත පාරජම්බූල කිරණ මඟින් ඔබේ සමේ ඇති විය හැකි පිළිස්සීම් හෝ පැහැයේ වෙනස්කම් ඉවත් කරමින් සම ආරක්ෂා කිරීමට ක්‍රියා කරනු ලබන අතර එය සම්පූර්ණයෙන්ම රදා පවතින්නේ ඔබේ සමේ වර්ගය මත සහ එම පිළිස්සුම ඇති වන්නේ කෙසේද යන්න මත වේ.

හිරු ආවරණ ආලේපනයක් ආලේප කිරීමෙන් පසුව සමේ පිළිස්සීම් ඇති නොවී ආසන්න වශයෙන් කොපමණ කාලයක් ඕනෑම කෙනකුට සිටිය හැකි දැයි දැන ගැනීමත් ඉතා වැදගත් වේ. එම අත්දැකීම ලබා ගැනීම සඳහා ඔබට විනාඩි 600 ක් හෙවත් පැය 10 ක කාලයක් හිරු එළියට නිරාවරණය වෙමින් සිටිය යුතු වේ. නමුත් එය හරියටම නිවැරදිම මිනුම් දණ්ඩක් නොවන අතර UV කිරණ අප වෙත ළඟාවීම විවිධ හේතුන් මත පදනම් විය හැකිය. හිරු එළියේ අන්තර්ගත අහිතකර කිරණවලින් ආරක්ෂාවීම සඳහා SPF අගය ඉහළ හිරු ආවරන ආලේපයක් සමේ ආලේප කර ගැනීම වඩාත් වැදගත් වේ. විශේෂයෙන් SPF අගය 50 ක් වන හිරු ආවරණ ආලේපනයක් මඟින් හිරු එළියේ තිඛෙන UVA සහ UVB කිරණ යන දෙවර්ගයෙන්ම වඩාත් වැඩි ආරක්ෂාවක් ඔබට අපේක්ෂා කළ හැකිය.

  • කළ යුත්තේ කුමක් දැයි දන්නවාද?

ඔබ නිවසින් බැහැරවීමට අවම වශයෙන් විනාඩි 30 කට කළින් ඔබේ සමට වඩාත් ගැළපෙන හිරු ආවරණ ආලේපනයක් ගල්වන්න. එසේ කිරීමෙන් ඔබේ හිරු ආවරණ ආලේපනය ඉතා ඉක්මණින් සමට උරා ගනිමින් ඔබේ සම හිරු එළියේ තිඛෙන අහිතකර කිරණවලින් ආරක්ෂා කරමින් සම නැවත පිරිසිදු කරන තෙක් ඔබට ඉතා සාර්ථක ප්‍රතිඵල ලබා දෙනු ඇත.

Share